En il period 2000-2023 ha la Svizra cuntanschì in surpli da budget annual da media da 0.1%. Dapi l’introducziun da la frena sin debits svizra l’onn 2003 è il surpli da budget annual sa meglierà da -0.89 % sin +0.21 %.
Il surpli da budget (spisas netas statalas) vegn calculà sco differenza tranter entradas e spisas. Per minimar las variaziuns annualas dal budget (per exempel pervia da la pandemia da corona) è vegnì duvrà il medi dal surpli/defizit da budget dapi il 2000, enstagl d’ina observaziun singula per onn.
Ils pajais vischins han cuntanschì en il medem temp in defizit da budget da media, en cuntrari a la Svizra; -1.5 % (Germania), -2.5 % (Austria), -3.9 % (Italia) e -4.3 % (Frantscha). Italia e Frantscha transgredeschan uschia durant la maioritad dals onns cleramain ils criteris da cunvergenza da l’UE, che restrenschan il defizit maximal annual da budget sin 3 % dal product intern brut.