Express solar alpin? Ils 24 parks solars alpins planisads pon furnir 0.72 % d’electricitad supplementara.

Dapi ch’il dretg è en vigur han, tenor datas da l’Uffizi federal d’energia (UFE), tschintg projects survegnì ina concessiun definitiva, ulteriurs tschintg ina approvaziun da prim’instanza e 14 projects èn vegnids publitgar. Fin ussa è anc nagina installaziun en funcziun. Ensemen han ils 24 projects ina prestaziun planisada da 366 MW e pon, sch’els vegnan construids, producir circa 553 GWh d’energia electrica. Per cumparegliaziun: La producziun totala d’energia electrica en Svizra è stada l’onn 2024 circa 76’237 GWh. Ils projects solars alpins contribuissan uschia circa 0.72 % d’energia supplementara. Sche l’onn 2023 vegn prendì sco referenza, cura che la producziun d’energia electrica è stada a 67’369 GWh pervia da cundiziuns climaticas pli favuraivlas, fiss la part dals projects solars alpins circa 0,82 %. L’UFE fa attent ch’fin ussa datti be paucas experientschas practicas cun installaziuns solars alpinas. Exigenzas augmentadas pervia da cundiziuns climaticas e la difficulta da l’access pudessan augmentar cleramain ils custs e sa chattar en conflict potenzial cun la protecziun dal paesag.