Tenor las cifras da la Conferenza dals directurs e directuras da l’economia chantunala (VDK) sco er dals uffizis da promoziun economica chantunals e organisaziuns regiunalas sa stabilivan l’onn 2007 en tut 512 interpresas exteriuras en Svizra. L’onn 2024 eran quai anc 231, quai che correspunda ad ina reducziun da 55 %.Ils stabiliments novs l’onn 2007 han manà en il prim onn d’existenza a la creaziun da 3’417 plazzas da lavur. L’onn 2024 èn vegnidas create tras las interpresas nov stabilidas 716 plazzas – ina reducziun da 79 %.
Tenor la VDK è l’onn 2024 reussì da chattar surmedia dapli interpresas da tecnologias clav innovativas sco Future of Health, Digital Worlds, Automation, Food e Finance per la Svizra. La strategia communabla da la Confederaziun, dals chantuns e da las regiuns suonda il princip „Qualitad avant quantitad” – per rinforzar a lunga vista il lieu d’innovaziun e da tecnologia svizzer.