Dunnas lavuran cun pitschnas parts d’uffizi? 4 da 5 dunnas occupadas lavuran dapli che 50%.

Ina repartiziun pli detagliada mussa che radund 43% da las dunnas occupadas lavuravan a temp cumplett (90–100% pensum). Environ 19% eran occupadas cun in pensum da 70–89%, ulteriurs 18% cun in pensum da 50–69%. 15% da las dunnas occupadas avevan in pensum da 20–49% e 5% lavuravan cun main che 20%. En l’onn 2024 era la quota da lavur a temp cumplett dals umens occupads a 81.4% – ina reducziun clara cumpareglià cun l’onn 2000, cura che anc 91.3% lavuravan a temp cumplett. En il medem temp è la quota dals umens cun in grad d’occupaziun tranter 70 e 89% creschida da 2.4% sin 7.7%. Tar las dunnas sa mussa in trend similar: La quota da quellas che lavuran a 90–100% è sminuida da 49.4% en l’onn 2000 sin 43.1% en l’onn 2024. Enstagl è la quota da dunnas cun in pensum da 70 fin 89% creschida da 10.3% sin 18.6%.