Manca da lavurants? Dapi il 2000 datti en Svizra dapli che 1 milliun pliras persunas occupadas (equivalents a plazzas a temp complet)

La creschientscha è cumenzada spezialmain dapi il 2006. L’onn 2006 è il dumber da equivalents a plazzas a temp complet creschì per 99'742 persunas, l’onn 2007 schizunt per 113'235. In equivalent a plazza a temp complet correspunda ad ina plazza a temp complet; per exempel in pensum da 50 % fa 0.5 equivalents a plazzas a temp complet. La part la pli gronda da la creschientscha da l’occupaziun è vegnida dal sectur da sanadad e da servetschs social (categoria NOGA Q) cun 295'089 equivalents a plazzas a temp complet en pli (+28.3 %). Suondan ils servetschs independents, scientifics e tecnics (NOGA M) cun 177'234 equivalents a plazzas a temp complet novs (+17.0 %), ils auters servetschs economics (NOGA N) cun 109'908 equivalents a plazzas a temp complet (+10.5 %), il sectur da l’educaziun (NOGA P) cun 108'337 equivalents a plazzas a temp complet (+10.4 %) e la construcziun (NOGA F) cun in augment da 71'435 equivalents a plazzas a temp complet (+6.8 %).