Datas per il 4avel quartal (Q4).
La statistica da pendulers da cunfin è vegnida recalculada dapi il Q1 2023, ils resultats èn dapi lura provisoris. Las funtaunas da la statistica da pendulers da cunfin èn il sistem central d'infurmaziuns da migraziun, datas da l'AVS, la banca da datas da furmaziun professiunala e per las series temporalas avant il Q4 2010 la statistica da l'occupa (BESTA).
Malgrà che las descripziuns publitgadas derivan principalmain dal sistem central d'infurmaziuns da migraziun (ZEMIS), èn ils resultats chargiads cun ina certa incertadad. La codificaziun da tscherts variables è na betg obligatoria e na vegn betg suttamessa a tests da plausibilitad a la funtauna. Ultra da quai na vegnan betg adina annunziads tscherts midaments da plazza da lavur ed els vegnan registrads be tar la renovaziun da la permissiun da penduler da cunfin, quai che sa mussa en las datas davart il lieu da lavur, il sectur economic ed en in pli pitschen mument er en il status da lavur.
Tar il calcul da la statistica resultan da las adattaziuns fatgas sco er da la retropolaziun e da l'extrapolaziun resultats cun decimals, e quai malgrà che la statistica mida persunas.
Dapi l'1 da zercladur 2007 na èn ils citadins dals stadis da l'UE-17/EFTA betg pli ligads a las zonas da cunfin. Uschia pon ils pendulers da cunfin lavurar en tut ils chantuns.
L'ordinata cumenza a 100'000 per mussar meglier l'effect.