Mancanza da chasas? Sur 80% da la surfatscha da chasas supplementara basegnain nus pervia da la creschientscha da la populaziun.

La surfatscha da chasa media variescha era tenor il gudogn, il chantun da domicil e ulteriurs facturs d'influenza. Durant il medem temp è er la populaziun totala da la Svizra creschida da 7.20 sin 9.05 milliuns abitants. La creschientscha da la populaziun contribuescha il pli ferm al basegn supplementar da chasas. Ils effects dal basegn creschì da surfatscha da chasa e da la creschientscha da la populaziun pon vegnir calculads separadamain: Sche la populaziun era restada constanta dapi il 2000 (7'204'055 persunas), ma il basegn da surfatscha per persuna era creschì sin 46.6 m², quai avess manà ad in basegn supplementar da 18'730'543 m² da surfatscha da chasa. En l'auter cas resulta per la creschientscha da la populaziun in basegn supplementar da 86'068'988 m², calculà tras l'augment da 1'846'974 persunas multiplicà cun il basegn actual per persuna da 46.6 m². En total resulta uschia in basegn (teoretic) supplementar da surfatscha da chasa da radund 104'799'531 m². La surfatscha da chasa realmain construida variescha da quest valur, tranter auter pervia d'effects da retard e da chasas vitschas (vesa indicaziuns). Ils calculs mussan: Cir 82% dal basegn supplementar da surfatscha da chasa pon vegnir attribuì a la creschientscha da la populaziun, radund 18% al basegn creschì da surfatscha per persuna.